«Ա1+»-ի հայտարարությունը

Սիրելի բարեկամ,

Հայաստանի առաջին անկախ հեռուստաընկերությունը՝ «Ա1+»-ը,  քո աջակցության կարիքն ունի` հետագա բնականոն գործունեությունը շարունակելու համար:

Երկար ժամանակ քննարկում էինք՝ դիմել աջակցության այս խնդրանքով, թե ոչ։ Փորձում էինք զարգանալ՝ ունենալով հավատամք, որ խոսքի ազատությունն ու լրատվական անկախությունն այն երկու կարեւոր սկզբունքներն են, որոնցով պիտի առաջնորդվի լրատվամիջոցն իր աշխատանքում։

Մենք երբեք չենք բացել մեր խոհանոցը ընթերցողի առաջ, թե ինչ դժվարությամբ ենք այս 31 տարիների ընթացքում հաղթահարել մեր ֆինանսական խնդիրները, որի հետեւանքով ունեցել ենք մեծ կորուստներ և ստիպված  հրաժեշտ ենք տվել լավագույն մասնագետների։

Մենք գիտակցել եւ գիտակցում ենք, որ ազատ եւ անկախ լրատվամիջոց լինելը մեր երկրում թանկ «հաճույք» է, եւ դրա համար պետք է «վճարել»՝ կրելով թե հոգեբանական, թե ֆինանսական դժվարություններ։

Սակայն, հատկապես վերջին տարիների՝ կորոնավիրուսի եւ պատերազմի հետեւանքով առաջացած տնտեսական իրավիճակը, գովազդային փոքր շուկան, արտասահմանյան գործընկեր-լրատվամիջոցների ֆինանսական անկայունությունը այլեւս թույլ չեն տալիս շարունակել բնականոն աշխատանքը։

Ուստի ստիպված բացում ենք դռները․․․ եւ դիմում խնդրանքով՝ առաջիկա երեք ամիսներին օգնել մեզ դիմակայելու ֆինանսական ճգնաժամին, չփակվել, իրականացնել մեր նախագծերը եւ մնալ Ձեր վստահելի աղբյուրը լրատվական դաշտում։

Սիրելի ընթերցող, նորից ու նորից շնորհակալություն ենք հայտնում տարիների վստահության, մեր աշխատանքը գնահատելու համար, ներողություն խնդրում, եթե որոշ դեպքերում չենք արդարացրել Ձեր սպասելիքները եւ հուսով ենք՝ Ձեր միջոցով կհաղթահարենք նաեւ այս ճգնաժամը։

Սիրելի բարեկամ, ցանկացած չափի նվիրատվություն կարող եք անել մեր հաշվեհամարներին, եւ հուսով ենք, որ երեք ամիս անց կհայտարարենք՝ Ձեր օգնությամբ մենք փակում ենք այս դժվարագույն էջը, շարունակում ենք մեր անկախ գործունեությունը ՝ Ձեր վստահությունը երբեք չչարաշահելու խոստումով։

Վստահ ենք որ Ձեր աջակցությամբ մենք կշարունակենք մեր գործունեությունը՝ հավատարիմ 31 տարի անփոփոխ կարգախոսին՝
«Դիտեք մեզ, ճանաչեք Ձեզ»

Սիրով՝ Ձեր «Ա1+»

Реквизиты для банковских переводов в Российских рублях