Յուրի Վարդանյանի որդին դատարանում հանդես եկավ վերջին խոսքով. Առավոտ
Այսօր Սյունիքի մարզի ընդհանուր իրավասության դատարանում, դատավոր Նապոլեոն Օհանյանի նախագահությամբ, կայացավ ՀՀ սպորտի եւ երիտասարդության հարցերի նախկին նախարար, ներկայումս Վրաստանում Հայաստանի Հանրապետության դեսպան Յուրի Վարդանյանի որդու` Դավիթ Վարդանյանի գործով դատական հերթական նիստը: Դատարանում Դավիթ Վարդանյանը հանդես եկավ իր վերջին խոսքով, որի ժամանակ նա մեկ անգամ եւս նշեց, որ ինքը մաքսանենգ ճանապարհով չի հաշիշ տեսակի թմրանյութը ձեռքբերել, այլ Ագարակ քաղաքում եւ զղջում է կատարածի համար: Նշենք, որ Յուրի Վարդանյանի որդուն մեղադրանք է առաջադրվել Քրեական օրենսգրքի 215-րդ հոդվածի 2-րդ մասի` թմրամիջոցների մաքսանենգություն և 268-րդ հոդվածի 3-րդ մասի՝ առանց իրացնելու նպատակի առանձնապես խոշոր չափերով թմրամիջոցներ կամ հոգեմետ նյութերի ապօրինի շրջանառություն, հատկանիշներով: «Ես այն ձեռքբերել իմ օգտագործման համար, Ագարակ քաղաքում, զղջում եմ իմ արածի համար, իմ ընտանիքին խայտառակ անելու համար: Էդ պրոբլեմը ես ունեցել եմ Ամերիկայից, բայց այս մոտ մեկ տարին կալանավայրում շատ բան եմ ունեցել մտածելու եւ կյանքը շարունակելու եմ առանց դրա: Ես մաքսանենգություն չեմ արել, սահմանը ոչ մի բան չեմ անցկացրել, իմ սումկայում բան չի եղել, ինչ եղել է՝ Ագարակ քաղաքում է եղել»: Ամբողջական հոդվածը` այստեղ
