A
A
Ռուբեն Գեւորգյան. «Առաջին գծում կռված տղաների առջեւ դռներ են փակվում» (տեսանյութ)
«Երդվյալ ազատամարտիկների միությունը» չի կարողանում համագումար անցկացնել։ Նրանց տարածք չեն հատկացրել։ Այսօր խորհրդարանում հայտարարությունների ժամանակ նշեց ԱԺ ԲՀԿ-ական պատգամավոր Ռուբեն Գեւորգյանը, ով միության նախագահն է։ «Հողի տերը մենք ենք, հարգելի իշխանություններ, բայց շինությունների տերը դուք եք։ Համագումարը կանցկացնենք, կամ Ազատության հրապարակում, կամ Հանրապետության հրապարակում»,- ասաց նա։ Վերջինս հայտարարեց, որ համագումարին հրավիրելու են ՀՀ երեք նախագահներին՝ «հարգարժան Լեւոն Տեր- Պետրոսյանին, հարգարժան Ռոբերտ Քոչարյանին, հարգարժան Սերժ Սարգսյանին եւ ԼՂՀ նախագահ Բակո Սահակյանին»։ ԱԺ պատգամավորը ցավով է նշում, որ պատերազմական տարիներին առաջին գծում կռված տղաների առջեւ դռներ են փակվում եւ չեն կարողանում համագումար անցկացնել։
