Առաջիկա 5 օրվա եղանակի կանխատեսում
Ուշադրություն
Ըստ ԱԻՆ Հիդրոմետ ծառայության տվյալների` այս գիշեր հանրապետության հովտային գոտիներում այդ թվում Արարատյան դաշտում կրկին գրանցվել են ցրտահարություններ: Օդի նվազագույն ջերմաստիճանը լուսադեմին ունեցել է հետևյալ ցուցանիշները. Արմավիրում` -5, Մերձավանում` -7,5, Արտաշատում` -3, Արարատում` -1,5, Ուրցաձորում` -7, Աշտարակում` -5, Երևանում` -3…-5, Արենիում` -5, Բագրատաշենում` -4, Իջևանում` -2, Կապանում` -3 աստիճան ցուրտ: Բացառություն է կազմել Մեղրին, որտեղ բացասական ջերմաստիճան չի գրանցվել:
Մարտի 19-ի գիշերը հանրապետության տարածքում անտիցիկլոնի ազդեցությունը կպահպանվի, սակայն կնկատվի ամպամածության որոշակի ավելացում, ինչի հետևանքով օդի ջերմաստիճանը կբարձրանա 2-3 աստիճանով:
Արարատյան դաշտում, Վայոց ձորի, Տավուշի և Սյունիքի հովտային գոտիներում օդում սպասվում է -2...-5, հողի մակերևույթին՝ -3...-6 աստիճան ցուրտ: Մարտի 20-ին հանրապետության տարածքին մոտենում է հաջորդ ցիկլոնը, հանրապետության ողջ տարածքում սպասվում են տեղումներ, լեռնային և նախալեռնային գոտիներում կտեղա ձյուն, հովտային գոտիներում՝ անձրև և ձնախառն անձրև, մարտի 21-ին տեղումները կդադարեն:
Հանրապետության տարածքում`
Մարտի 19-ին, 22-23-ը սպասվում է առանց տեղումների եղանակ, 20-ին, 21-ի գիշերը շրջանների զգալի մասում, 21-ի ցերեկը Սյունիքում և Արցախում սպասվում են տեղումներ, լեռնային և նախալեռնային գոտիներում‵ ձյուն:
Քամին՝ հյուսիս-արևմտյան՝ 2-7 մ/վրկ արագությամբ, 19-20-ը սպասվում է քամու ուժգնացում‵ 15-20 մ/վրկ արագությամբ:
Օդի ջերմաստիճանը 20-ի գիշերը կբարձրանա 4-6 աստիճանով, ցերեկը նույնքան կնվազի:
Երևանում՝
Մարտի 19-ին, 21-ի ցերեկը, 22-23-ը սպասվում է առանց տեղումների եղանակ: 20-ին, 21-ի գիշերը ժամանակ առ ժամանակ սպասվում են տեղումներ, քամու ուժգնացում‵ 17-19 մ/վրկ:
Երևանի մարտի 19-ի բազմամյա կլիմայական տվյալներ.
• Օդի առավելագույն ջերմաստիճան՝ 22.00C (2008 թ.)
• Օդի նվազագույն ջերմաստիճան՝ -4.20C (1976 թ.)
• Օդի միջին օրական ջերմաստիճան՝ 6.70C
