«Մինչև հաջորդ պատերազմը ամիսներ ունենք և ոչ թե տարիներ» (տեսանյութ)
«Մոդուս Վիվենդի» կենտրոնի ղեկավար, քաղաքագետ Արա Պապյանը կարծում է, որ Ադրբեջանի հետ պատերազմը ոչ թե տարիների, այլ առաջիկա ամիսների խնդիր է: Հիմնադիր խորհրդարանի կազմակերպած քննարկման ժամանակ Պարոն Պապյանն առանձնացրեց մի քանի հանգամանքներ, որոնք ըստ նրա՝ բացահայտվեցին քառօրյա պատերազմի արդյունքում: « Մեր բյուջեի բաշխումը, օրինակ նույն ոստիկանության և բանակի միջև՝ մեկ տարվա ընթացքում ոստիկանության բյուջեն աճել է 13.7 %-ով, իսկ 4.2 %` բանակինը: Այսինքն ստացվում է, որ ոստիկանության դերն ավելի մեծ ու կարևոր էր , քան բանակի՞նը և սա այն դեպքում, երբ Ալիևը 2-3 տարի է խոսում է «Էրիվանն» ու Զանգեզուրը գրավելու մասին: Այսինքն պետք է բյուջեն ոչ միայն ընդլայնել, այլև ճիշտ վերաբշխել: Բյուջեի ճիշտ վերաբաշխում պետք է արվի նաև ՊՆ-ի ներսում, գումարները նպատակային պետք է ծախսվեն: Բանակը վերջին հույսն է պետության, հիմա մենք փաստորեն եկել և հասել ենք այդ վերջին հույսին, որովհետև մենք հասկացանք, որ եթե բանակը պարտվեր, ապա այս պետությունը կարող է ընդհանրապես քանդվեր: Հետևաբար մեր ժողովուրդը և առաջին հերթին այս իշխանությունները պետք է հետևություններ անեն այս քառօրյա պատերազմից, պետք է շատ արագ, այսինքն՝ առաջիկա ամիսներին լրջագույն փոփոխություններ կատարեն: Ցավոք սրտի իմ կանխատեսումն այն է, որ մենք մինչև հաջորդ պատերազմը ամիսներ ունենք և ոչ թե տարիներ»,-շեշտեց Արա Պապյանը: Մանրամանսերը՝ տեսանյութում
