14 մլն դոլար՝ Հյուսիսային պողոտայի նոր առեւտրի կենտրոնի համար (տեսանյութ)
Հյուսիսային պողոտայի ստորգետնյա հատվածն այսուհետ կլինի «առեւտրային գալիրեա»: «Տաշիր» գրուպին պատկանող «Տաշիր Սթրիթ»-ի բացումը տեղի ունեցավ այսօր:
12,000 քառակուսի մետր տարածություն զբաղեցնող «գալիրեայի» կառուցման համար «Տաշիր» ընկերությունը ներդրել է 14 մլն դոլար. «Այս գումարը ներառում է նաեւ մի քանի համաշխարհային բրենդերի ներմուծումը Հայաստան: Մենք նրանց հետ համատեղ համաֆինանսավորող ենք եղել, որպեսզի կարողանանք բերել Հայաստան»,- նշում «Տաշիր» ընկերությունների խմբի ներկայացուցիչ Նարեկ Կարապետյանը:
«Տաշիր սթրիթ» առեւտրային գալիրեայում 77 ապրանքանիշեր ներկայացնող խանութներ կգործեն. «Այստեղ ավելի քան 300 նոր աշխատատեղ կստեղծվի»,- նշում է Կարապետյանը:
Սեփականատերերը կարծում են, որ գալիրեան կհետաքրքրի հատկապես Հայաստան այցելած զբոսաշրջիկներին: Հենց դրա համար էլ կենտրոնի մի մասը անվանել են Վերնիսաժ ու այնտեղ ներկայացրել ազգային, էթնիկ, հայկական կոլորիտային ապրանքանիշեր:
