Բացել լրահոսը Փակել լրահոսը
A A

ԼՂՀ վարչապետը ծանոթացել է հացահատիկի մթերման գործընթացին

Պաշտոնական
1-3

Արցախի Հանրապետության վարչապետ Արայիկ Հարությունյանը հուլիսի 4-ին աշխատանքային այցով եղել է Գյուղի և գյուղատնտեսության աջակցության հիմնադրամի հացահատիկի մթերման Ասկերանի պահեստում և մի շարք խոշոր ալրաղացներում և ծանոթացել հացահատիկի մթերման աշխատանքներին: Ա. Հարությունյանը պատասխանատուներից հետաքրքրվել է հացահատիկի մթերման և տեղավորման աշխատանքներով: Վարչապետը գոհունակություն է հայտնել մթերող կազմակերպություններին` հողօգտագործողների հետ համագործակցված արդյունավետ աշխատանքի համար: Նա հորդորել է մինչև բերքահավաքի ավարտը նույն ոճով աշխատել, որպեսզի հերթեր և կուտակումներ չառաջանան: «Բոլորիս խնդիրն է, որ հացահատիկ արտադրողները մթերման հետ կապված խոչընդոտներ չունենան և առանց ուշացումների կարողանան ոչ միայն հանձնել բերքը, այլև ժամանակին ստանալ իրենց գումարները»,- ասել է գործադիր իշխանության ղեկավարը և հավելել, որ դժվարությունների դեպքում կառավարությունը պատրաստ է աջակցել տնտեսվարողներին: 2 Այցի ընթացքում Ա. Հարությունյանին ուղեկցում էին ԱՀ գյուղատնտեսության նախարար Արամ Մխոյանը, ԳԳԱ հիմնադրամի տնօրեն Աշոտ Բախշիյանը, պաշտոնատար այլ անձինք: ԱՀ կառավարության աշխատակազմի տեղեկատվության և հասարակայնության հետ կապերի բաժին