ԲՀԿ-ն, ԼՀԿ-ն ու ՀՎԿ-ն բոյկոտել են Վանաձորի քաղաքապետի երդման արարողությունը (տեսանյութ)
Վանաձորի ավագանիների քվեարկության առաջին իսկ րոպեներից արդեն իսկ պարզ էր թե ինչի է գնում իրադարձությունների զարգացման հետագա ընթացքը: Այս մասին հաղորդագրություն է տարածել ԲՀԿ խմբակցության քարտուղար Վահե Էնֆիաջյանը. «Վանաձորը անհասկանալի կերպով ունի այն քաղաքապետը , որին վանաձորցիների մեծ մասը ըստ երևույթին ձայն չեն տվել: Երեք ոչ իշխանական ուժերի կողմից ստորագրված համագործակցության հռչակագրով հայտարարեցինք , որ սատարելու ենք միասնական թեկնածուին, սակայն սեփական ստորագրությունը դրժած 4 ավագինենիրի շնորհիվ Վանաձորում պատկերն այլ է: Այսօր տեղի ունեցած Մամիկոն Ասլանյանի երդման արարողությանը ՝ ինչպես որ նախկինում հայտարարել էինք, քննարկումների արդյունքում ԲՀԿ խմբակցության ավագանիներ՝ Հրանտ Մարգարյանը, Այծեմնիկ Օհանյանը և Դավիթ Հակոբյանը ևս որոշել և չեն մասնակցել: ԲՀԿ-ն մնում է իր խոստումներին և պայմանավորվածություններին անդավաճան»: Վանաձորի քաղաքապետի երդման առնչությամբ ավագանու «Լուսավոր Հայաստանի» անդամ Քրիստ Մարուքյանն էլ ֆեյսբուքում ավելի վաղ գրել էր. «Օրենքի մեծն ջատագովներին և Վանաձորի հասարակությանը ցանկանում եմ տեղեկացնել, որ նման «արարողություն» սահմանված չէ որևէ օրենքով, հետևաբար՝ հայտարարված միջոցառումն անօրինական է։ Ըստ ՀՀ Սահմանադրության 5-րդ հոդվածի երկրորդ պարբերության՝ «Պետական և տեղական ինքնակառավարման մարմիններն ու պաշտոնատար անձինք իրավասու են կատարելու միայն այնպիսի գործողություններ, որոնց համար լիազորված են Սահմանադրությամբ կամ օրենքներով»։
