«Այս խորհրդարան բոլոր ուժերն անցել են Սերժ Սարգսյանի ցանկությամբ» (տեսանյութ)
Քրիստոնեաժողովրդական վերածնունդ կուսակցության առաջնորդ Սոս Գիմիշյանի կարծիքով՝ այս խորհրդարան բոլոր ուժերն անցել են Սերժ Սարգսյանի ցանկությամբ՝ Վենետիկի հանձնաժողովի հետ համաձայնեցնելով. «7,8 տոկոսը, որը Ելքն է ստացել, Սերժ Սարգսյանը չէ՞ր կարող դարձնել 6,8 տոկոս: Սերժ Սարգսյանը, մեր իշխանությունները կարողացել են Կարեն Դեմիրճյանի հավաքած 70 տոկոսը դարձնել 30 տոկոս, իշխանության՝ 35 տոկոսը դարձնել 50 տոկոս ու նախագահ ընտրել»: ՀՀՇ վարչության անդամ Հովհաննես Իգիթյանը ապրիլի 2-ին տեղի ունեցած խորհրդարանական ընտրություններում կասկածելի երևույթներ է արձանագրել. «Ինձ թվում է՝ համակարգն այնպիսին էր, որ բացառում էր որեւէ գաղափարական քննարկում ու գաղափարների մրցակցություն, հատուկ է արվել, որովհետեւ այս Ընտրական օրենսգրքի հեղինակները հասկանում էին, որ այս ձեւով, երբ մի ընտրատարածքում ընտրողին ես նետում շատ թեկնածուների, դժվար է ընտրել խոսքը, միտքը, քաղաքական գործչին: Սա էր պատճառը, որ ընտրողը խուճապի մեջ էր եւ չէր հասկանում՝ ինչ է կատարվում»։ Ավելին՝ տեսանյութով
