Նոր հարթակում ձեր ճամփորդությունը կարող եք պլանավորել շատ արագ
TripPlannera հարթակը նորարարական օնլայն գործիք է, որն առաջարկում է ճամփորդությունը պլանավորել հնարավորինս արդյունավետ: Այն թույլ է տալիս կազմակերպել ճամփորդություն ցանկացած ուղղությամբ ընդամենը վայրկյանների ընթացքում: Հարթակը հիմնադրվել է 2016 թվականին, և այսօր առաջարկում է ուղևորություններ բազում ուղղություններով: Ներկայումս ընդգրկում է աշխարհի բոլոր մեծ քաղաքները՝ իրենց հիմնական տեսարժան վայրերով: Քաղաքների թիվը անընդհատ թարմացվում է, և ընդամենը մի տարում դրանց թիվը կհասնի հազարի: Հիմնադիրների խոսքերով՝ հարթակը ստեղծելու գաղափարը ծնվել է, երբ ճամփորդելիս երկարատև աշխատանքներ են տարել կազմակերպման վրա: «Մեծ ջանքեր էին պահանջվում գտնել ինֆորմացիա՝ կապված պլանավորման հետ՝ տարբեր առումներով: Բավականին ժամանակատար էր վստահելի աղբյուրների փնտրտուքը, ինչպես նաև տոմսերի ամրագրումն ու այլ տեղեկատվության ձեռքբերումը»,- նշում է սթարթափի հիմնադիր Հմայակ Տիգրանյանը: Հարթակը ներկայումս գործող միակ ամենաարդյունավետ ու պարզ ճանապարհն է՝ մեկընդմիշտ վերջ դնելու նման խնդիրների առաջացմանը: Այն օգտատիրոջ լավագույն ընկերն է՝ վերջինիս ճամփորդությունն արագ ու շահավետ կազմակերպելու գործում: Գործիքը հնարավորություն է տալիս ընտրել տեղն ու ժամանակը, նշել նախասիրություններն ու ցանկությունները՝ կազմելով ճամփորդության ծրագիր, որ գերազանցում է յուրաքանչյուրի սպասելիքները: TripPlannera-ն արդեն իրականություն է դարձրել ավելի քան քսան հազար օգտատիրոջ երազանքները՝ լավագույնը ստանալու իրենց ճամփորդությունից:
