Գյումրու սրտում բաբախող ռադիոկայանը 12 տարեկան է (տեսանյութ)
12-ամյա ճանապարհ` դժվարություններով ու վերելքներով լի: «Ռադիո Հայ Գյումրի» ռադիոկայանը 12 տարի բաբախում է հենց Գյումրու սրտում ու վաղուց քաղաքի բրենդն է դարձել: «Ռադիո Հայ Գյումրու» ամենակարեւոր ձեռքբերումը վստահությունն ու ունկնդիրների հսկայական բազմությունն է: «Ռադիո Հայ Գյումրի»-ն հավատարիմ մնաց որդեգրած սկզբունքներին, առաջնորդվեց սեփական ուղենիշով: Համահայաստանյան սփռում ունեցող «Ռադիո Հայ»-ն այսօր թվային հեռարձակման արտոնագիր ունի: Առաջիկայում «Ռադիո Հայ Գյումրի» ռադիոկայանի եթերում տեղ կգտնեն մի շարք հետաքրքիր հաղորդումներ: Ռադիոընդունիչից լսվող հարազատ ձայները կշարունակեն լավատեսական լուսաբացների ու խաղաղ մայրամուտների գրավականը լինել` ապահովելով շիրակցու բարձր տրամադրությունը: 106.6-ը կմնա ունկնդրի պոզիտիվ ու հագեցած օրվա անբաժանելի մասնիկը: «Ցայգ» ՀԸ
