Ինչու տեխնիկական գիտությունների թեկնածուն դարձավ քոուչ (տեսանյութ)
Մուշեղ Ավետիսյանը քոուչ է, այսինքն՝ մտքի մարզիչ։ Այսօրվա կարգավիճակին տեխնիկական գիտությունների թեկնածուն հասել է, երբ մի օր հասկացել է, որ ուզում է գործարարությամբ զբաղվել, իսկ իր բիզնեսն առանց զարգացած մարդու չի կարող բարգավաճել։ Ու սկսել է իրենից՝ միտքը վարժեցնելով աշխարհի համար մեկ լայֆ և բիզնես քոուչ Թոնի Ռոբբինսի թրեյնինգներին։ Նա չի ժխտում, որ շրջապատը, պայմաններն ազդում են մարդու վարքի եւ կյանքի որակի վրա։ Բայց վստահեցնում է, ընդամենը վերաբերմունքը փոխելով, դրական մտածելակերպով կարելի է փոփոփություններ արձանագրել։ Հանուն փոփոխությունների ստեղծագործ մտավարժանքը Մուշեղը համարում է անհավանական ճանապարհորդություն, որը սկսելու համար պետք է դուրս գալ այսպես կոչված՝ հարմարավետության՝ «կոմֆորտ» զոնայից։ Ընդհանրապես կարծում է, որ մարդը դառնում է իր կյանքի առաջնորդը հատկապես այն ժամանակ, երբ այլեւս ելք չի տեսնում։ Մուշեղ Ավետիսյանը արդեն մի քանի տարի է թրեյնինգներ է կազմակերպում ցանկացողների համար։ Այս տարի նոյեմբերի 11-ին եւ 12-ին հերթական թրեյնինգ է։ Մուշեղ Ավետիսյանն 26 քայլ է մշակել, որոնք կիրառելու դեպքում նվազագույնը կյանքի հանդեպ վերաբերմունքի փոփոխությունը եւ մասնագիտական աճը երաշխավորվում է։
