Ինքնաբուխ հանրահավաք Կեմերովոյում՝ իշխանությունների հրաժարականի պահանջով (տեսանյութ)
ՌԴ Կեմերովո քաղաքի վարչության շենքի մոտ մի քանի հազար մարդ պահանջում են մարզպես Տուլեևի հրաժարականը, ինչպես նաև՝ զոհվածների իրական, ինչպես իրենք են համարում, թվի հրապարակումը: Համացանցում տարածվում են չհաստատված տեղեկություններ Կեմերովոյի Առևտրի կենտրոնում հարյուրավոր զոհվածների մասին: Մարդիկ հղում են կատարում ծանոթներին, ընկերուհիներին, ազգականներին, ովքեր իբր տեսել են մարմինները կամ առնչություն ունեն դրանց տեղափոխման հետ: Ոստիկանության հատուկ նշանակության ջոկատայինների լրացուցիչ ուժերը ժամանել են Կեմերովոյի կենտրոնում գտնվող հրապարակը, որտեղ տեղի է ունենում ինքնաբուխ հանրահավաք: Ինտերֆաքսի թղթակիցը հայտնում է, որ հրապարակին են մոտեցել հատուկ ջոկատայինների վեց ավտոմեքենա, հինգ շտապ օգնության մեքենաներ: Չհամաձայնեցված հանրահավաքը շարունակվում է Կեմերովոյի կենտրոնում գտնվող Սովետների հրապարակում վաղ առավոտվանից: Մասնակիցները պահանջում են նահանգապետ Տուլեևի հրաժարականն ու «Զիմնայա վիշնյա» ԱԿ-ում հրդեհի զոհերի իրական թվի հրապարակում: Բնակիչները սուլոցներով են հանդիպել 64 զոհերի մասին հրապարակված թիվը: Vsё42.ru-ն հայտնում է, որ Սովետների հրապարակում հավաքվածների թիվը գերազանցում է 4 հազար մարդ: Իրենք ջարդել են մետաղյա արգելափակումները, որոնք երեկ տեղադրել են ոստիկանները՝ ստանալով տեղեկություններ պատրաստվող ակցիայի մասին: Ռուսաստանի նախագահ Պուտինը ժամանեց այն քաղաքը, որտեղ սկսում են անհանգստություններ Առևտրի կենտրոնում տեղի ունեցած հրդեհից հետո: Գործակալությունները առավոտյան համատեղ հայտնեցին Պուտինի ժանանելու մասին: Ամփոփագրերի համաձայն, Պուտինը երեքշաբթի առավոտյան ժամանեց վառված «Զիմնյայա վիշնյա» ԱԿ-ին և ծաղիկներ խոնարհեց ի հիշատակ զոհվածների: Այնուհետը, հայտնում է Ինտերֆաքսը, Պուտինը հանդես եկավ հրդեհի հետևանքների վերացմանը նվիրված խորհրդատվության ժամանակ և տեղի ունեցածի պատճառների թվում անվանեց հանցավոր անփութությունն ու աչքաթողությունը: «Ի՞նչ է տեղի ունենում մեզ մոտ, չէ որ դրանք մարտական գործողություններ չեն, հորում անսպասելի մետանի բացթողում չէ: Մարդիկ եկել են հանգստանալու, երեխաները: Իսկ մենք խոսում ենք ժողովրդագրության մասին և այսքան մարդ ենք կորցնում, ի՞նչ պատճառներով: Նա ցավակցություն հայտնեց զոհվածների հարազատներին ու մտերիմներին՝ սկսելով խորհրդակցությունը լռության րոպեից: https://youtu.be/vIpORZem0mo
