A
A
Շառլ Ազնավուրը անհանգիստ և մտահոգված է Հայաստանում ստեղծված իրավիճակով (տեսանյութ)
Շառլ Ազնավուրն իր ֆեյսբուքյան պաշտոնական էջում գրառում է կատարել՝ Հայաստանում տեղի ունեցող իրադարձությունների մասին։ Գրառման մեջ ասված է հետևյալը․ Անգամ եթե աշխատանքային պարտավորությունների բերումով ես հեռու եմ գտնվում, սիրտս միշտ Հայաստանում է։ Ես շատ անհանգիստ եմ և մտահոգված Հայաստանում ստեղծված իրավիճակով։ Հրավիրում եմ բոլոր կողմերին հավաքվել քննարկումների սեղանի շուրջ՝ որևէ լուծում գտնելու և ցանկացած տեսակի բռնությունից խուսափելու համար։ Յուրաքանչյուրը պետք է զիջումների գնա, որպեսզի պահպանի ազգի միասնությունը՝ հավատարիմ մնալով մեզ համար այդքան կարևոր մարդասիրական ու ժողովրդավարական արժեքներին։ Մեծագույն ցանկությունս է, որ հայ երիտասարդները գտնեն իրենց տեղը և կայանան զարգացած ու խաղաղ Հայաստանում։ Շառլ Ազնավուր
