ՀՀԿ-ականները նախատրամադրված են չխոչընդոտել ժողովրդի թեկնածուի ընտրությանը (տեսանյութ)
Ազգային Ժողովի խմբակցության ղեկավար Վահրամ Բաղդասարյանը ընդդիմադիր պատգամավոր Նիկոլ Փաշինյանի հետ հանդիպումից հետո հայտնեց, որ եթե «ԵԼՔ», «Ծառուկյան»և Դաշնակցություն խմաբկցությունները միասնական թեկնածու առաջադրեն, հանրապետականները չեն խոչընդոտի վարչապետի ընտրությանը: ՀՀԿ- ականները Նիկոլ Փաշինյանին կոչ են արել դադարեցնել փողոցների շրջափակումները, որպեսզի մայիսի 1-ին կանոնակարգված գնանք ընտրությունների: Վահրամ Բաղդասարյանը խնդրում է կուսակցության անդամներին սեփական կարծիքները ներկայացնել որպես անհատական կարծիքներ, հիշեցնենք, որ հանրապետական պատգամավորները իրարամերժ տեսակետներ են հայտնել վարչապատեի ընտրության մասին. «Մենք պայմանանվորվածություն ունենք, որ մեր որոշումը պետք է լինի միասնական»: Վահրամ Բաղդասարյանը չի ցանկանում մեկնաբանել նաև Դավիթ Հարությունյանի խոսքերը. «Իհարկե մենք դեմ ենք քաղաքական մոնոպոլիաներին, հակառակ դեպքում մենք այլ քայլեր կարող էինք ձեռնարկել»: ........................ Իմ քայլը» շարժման առաջնորդ Նիկոլ Փաշինյանը քիչ առաջ հանդիպել է ՀՀԿ խմբակցության ղեկավար Վահրամ Բաղդասարյանի հետ: Ըստ Նիկոլ Փաշինյանի՝ կանխատրամադրվածություն կա, որ չեն խոչընդոտի ժողովրդի թեկնածուի ընտրությանը: «Կա կանխատրամադրվածություն, որ Հանրապետական խմբակցությունը չխոչընդոտի ժողովրդի թեկնածուի ընտրությանը: Որոշակի պայմանավորվածություն ձեռք կբերվի դրա շուրջ»,-ասաց Նիկոլ Փաշինյանը: https://youtu.be/RH46oFBjLo4 https://youtu.be/Il2jC5sSZpI
