Արմեն Սարգսյանը հեռացավ՝ երթը չավարտված (տեսանյութ)
Նախագահ Արմեն Սարգսյանը, ԱԺ պատգամավորների և «Անմահ գնդի» երթին մասնակցող բազմաթիվ քաղաքացիների ուղեկցությամբ քայլերթ իրականացրեց Երևանի կենտրոնական փողոցներով՝ ի շնորհավորանք մայիսյան տոների:
«Անմահ գունդ» հասարակական ակցիան անցկացվում է երրորդ անգամ: Այն ամեն տարի անցկացվում է նաև աշխարհի մի շարք երկրներում: Այս ակցիաներում հենց պատերազմի վետերանների սերունդներն են՝ իրենց պապերի նկարները բարձրացրած քայլում են տոնական երթով:
Քայլերթի մեկնարկը տրվեց Հանրապետության հրապարակից և այնտեղ էլ ավարտվեց:
Չնայած նախագահի անվտանգության աշխատակիցները հավաստիացրին, որ լրագրողները հնարավորություն կունենան հարցեր ուղղել Արմեն Սարգսյանին, բայց, երթը չավարտված, նա հեռացավ:
ՀՀ նախագահի հետ քայլերթ իրականացնող քաղաքացիներին ոգևորել էր Արմեն Սարգսյանի հետ անմիջական շփման հնարավորությունը:
Ըստ նրանցից մեկի, օրը խորհրդանշական էր՝ պայմանավորված ոչ միայն մայիսյան եռատոնով, այլև նոր ձևավորվող կառավարությամբ և ժողովրդի թեկնածուի՝ վարչապետ ընտրվելով:
Հավաքվածները որոշեցին, որ այսուհետև օրը պետք է նշվի ոչ թե որպես եռատոն այլ քառատոն՝ ի նշան ժողովրդի տարած թավշյա հաղթանակի։
[caption id="attachment_1616354" align="alignnone" width="700"]
RA President Armen Sarkissian attends the Immortal Regiment march on the occasion of the Victory Day in Yerevan, Armenia[/caption]
