Հունիսի 1-ից կսկսվի ԵՄ-Հայաստան համաձայնագրի պրակտիկ փուլը (տեսանյութ)
Եվրոպական միությունը պատրաստ է աշխատել նոր կառավարության հետ: «Մենք պատրաստ ենք նոր կառավարության հետ քննարկել հիմնական ակնկալիքները եւ առաջնահերթությունները: Թեեւ հավատացած եմ, որ մեր մոտեցման ընդհանուր հարթակը պետք է կառուցված լինի ժամանակ չկորցնելու սկզբունքի վրա, քանզի նոր համաձայնագիրը պարունակում է մի շարք կարեւոր հնարավորություններ եւ մենք լի ենք էներգիայով համագործակցելու մեր հայ գործընկերների հետ՝ իրականացնելու համաձայնագրի դրույթները»,-ասում է Հայաստանում ԵՄ պատվիրակության ղեկավար, դեսպան Պյոտր Սվիտալսկին: Դեսպանը տեղեկացրեց, որ հաջորդ շաբաթ իր գործընկերները Բրյուսելից կգան Հայաստան եւ կլսեն հիմնական ուղերձները: «Հունիսի մեկից կսկսենք ԵՄ-Հայաստան համաձայնագրի պրակտիկ փուլը: Համաձայնագիրը պարունակում է տարբեր դրական զարգացումների հնարավորություն: Այս փաստաթուղթը պետք է դարձնենք իրականություն՝ շոշափելի , տեսանելի արդյունքներով սովորական հայ քաղաքացու համար»: Այսօր տրվեց Եվրոպայի օր տոնակատարությունների մեկնարկը: 16 հայ դիզայներ ցուցադրեցին հագուստի իրենց հավաքածուները: Նրանց ոգեշնչման աղբյուրը Եվրոպական միության դրոշն էր: «Գերակշռող գույներն են կապույտը եւ դեղինը, բայց յուրաքանչյուր դիզայներ իր ոճի մեջ եւ իր փիլիոսոփայությանը հավատարիմ արել է իր ինտերպրիտացիան»,-նշեց դիզայներ Վահան Խաչատրյանը: Այս տարի Եվրոպայի նվիրված միջոցառումներ կանցկացվեն Հայաստանի 6 քաղաքում՝ Իջեւանում, Վանաձորում, Գյումրիում, Կապանում եւ Եղեգնաձորում: Ամփոփումն էլ կլինի հունիսի 2-ին՝ Երեւանում:
