A
A
Գաբրիել Սարգսյանը՝ շախմատի Շարջայի միջազգային մրցաշարի հաղթող
Գրոսմայստեր Գաբրիել Սարգսյանը հաղթող ճանաչվեց Շարջայում (ԱՄԷ) կայացած կայծակնային շախմատի միջազգային մրցաշարում: Մեր շախմատիստը մեկնարկում տարավ 7 անընդմեջ հաղթանակ, ապա երկու պարտիա ավարտեց ոչ-ոքի եւ ոչ մի շանս չթողեց մրցակիցներին: Նա վաստակեց 8 միավոր եւ վստահ գրավեց առաջին տեղը: Իսպանիան ներկայացնող գրոսմայստեր Վիկտոր Մոսկալենկոն, որը պարտվեց միայն մեր շախմատիստին, վաստակեց 7,5 միավոր եւ հանգրվանեց 2-րդ հորիզոնականում: Մրցանակային եռյակը եզրափակեց Արաբական Միացյալ Էմիրությունների ուժեղագույն շախմատիստ Սալեհ Սալեմը, որը իր անվան դիմաց գրանցեց 7 միավոր: Ներկայումս նույն մրցավայրում անցկացվում է արագ շախմատի միջազգային մրցաշար: Գաբրիել Սարգսյանը հայտ չի ներկայացրել եւ չի մասնակցում դրան:
