Էջմիածնում հանրահավաք է ի աջակցություն քաղաքապետի. ուղիղ (տեսանյութ)
Էջմիածնում հանրահավաք է հրավիրված։ Այն այս անգամ՝ ի աջակցություն քաղաքապետ Կարեն Գրիգորյանի է։ Քաղաքապետը կրկին հայտարարեց, որ պատրաստ է հաշտության։ «Մենք մերժում ենք չարին եւ չարերին»,- ասաց նա։ Կարեն Գրիգորյանը նշեց, որ իր հաշտության առաջարկից հետո զանգ է ստացել, բայց անունը չի հրապարակում եւ վաղը ժամը 10-ին սպասում է քաղաքի Հաշտության նստարանին։ Նա հայտարարարեց՝ դադարեցնում է հանրահավաքը հանուն հաշտության . «Մենք չենք ուզում լինեն բախումներ, սադրանքներ»։ Կարեն Գրիգորյանը հայտարարություն կանի վաղը ժամը 10-ից հետո։ Ի դեպ, նա դիմել է իրավապահներին՝ ապահովել քաղաքացիների անվտանգությունը. «Մեր ժողովուրդը կարիք ունի ոստիկանի պաշտպանության»։ Երկրապահին էլ հորդորեց չտրվել սադրանքին։ «Մեզ հունից հանել անհնար է, մենք երկար կարող ենք համբերատար սպասել»,- դիմեց նա մյուս կողմին։ Հանրահավաքից հետո լրագրողները հարց տվեցին նրա հոր՝ Մանվել Գրիգորյանի՝ ԵԿՄ շենքից ԱԱԾ -ի աշխատակիցների ուղեկցությամբ դուրս գալու եւ մեքենայով տարվելու մասին։ Կարեն Գրիգորյանը նշեց, որ ինքը գտնվել է հանրահավաքի վայրում եւ տեղյակ չէ։ Հիշեցնենք,ո ր էջմիածնում կրքերը լարված են։ Մի խումբ պահանջում է քաղաքապետի հրաժարականը։ Այսօր նրանք կրկին դուրս են եկել փողոց; Հեռարձակումը՝ 1in.am-ի
