A
A
Ունայ Էմերին խաղաժամանակ չտրամադրեց Հենրիխ Մխիթարյանին
Ֆուտբոլի Անգլիայի Պրեմիեր լիգայի 7-րդ տուրի շրջանակում Լոնդոնի «Արսենալը», որի կազմում հանդես է գալիս Հայաստանի հավաքականի ավագ Հենրիխ Մխիթարյանը, սեփական դաշտում մեծ դժվարությամբ հաղթեց «Ուոտֆորդին»: Հանդիպման մինչեւ 81-րդ րոպեն կողմերին չէր հաջողվում գրավել դարպասները, սակայն հաջորդ երկու րոպեում լոնդոնցիներն իրար հետեւից երկու գոլ խփեցին եւ հաղթանակ տարան: Սկզբում հյուրերի պաշտպանը գրավեց սեփական դարպասը, ապա Մեսութ Օզիլը կրկնապատկեց հաշիվը՝ 2:0: Հենրիխ Մխիթարյանը հայտավորվել էր պահեստային խաղացողների թվում, սակայն թիմի գլխավոր մարզիչ Ունայ Էմերին նրան այսպես էլ խաղաժամանակ չտրամադրեց: Այս հաղթանակից հետո «Արսենալը» վաստակեց 15 միավոր եւ բարձրացավ 5-րդ հորիզոնական՝ շրջանցելով հենց իր անմիջական մրցակցին՝ «Ուոտֆորդին»:
