Հայաստանի և Արցախի վերաբերյալ գրքերի ցուցադրություն Էստոնիայի ազգային գրադարանում
Էստոնիայի ազգային գրադարանում բացվել է հատուկ ցուցահանդես՝ նվիրված Հայաստանի և Արցախի պատմությանն ու մշակույթին։ Ցուցահանդեսում ներկայացված գրքերը, որոնք նվիրաբերվել են Էստոնիայում ՀՀ դեսպանության կողմից, էստոնացի ընթերցողին հնարավորություն են տալիս ծանոթանալու ինչպես Հայաստանի, այնպես էլ Արցախի հարուստ պատմամշակութային ժառանգությանն ու ճարտարապետությանը, աշխարհագրությանը, պատմության տարբեր դրվագներին, Հայոց ցեղասպանությանն ու հայ գրականությանը։ Ընդհանուր առմամբ, ՀՀ դեսպանությունն Էստոնիայի ազգային գրադարանին վերջին երկու տարիների ընթացքում նվիրաբերել է ավելի քան 50 անուն գիրք։ Նման սերտ համագործակցություն հաստատաված է նաև բալթյան մյուս հանրապետություններում՝ Լիտվայի և Լատվիայի ազգային և համալսարանական գրադարանների հետ, ու կրում է պարբերական բնույթ։ Ցուցադրությունը կշարունակվի մինչև մարտի 31-ը։ ՀՀ ԱԳՆ
