Պարույր Հայրիկյանին զարմացնում է իշխանությունների հանգստությունը (տեսանյութ)
ԵԱՀԿ Մինսկի խմբի համանախագահների վերջին հայտարարության մեջ որեւէ նոր բան չկա։ Ազգային ինքնորոշում միավորման նախագահ Պարույր Հայրիկյանի կարծիքով՝ ու եթե որևէ մեկը պետք է անհանգստանար այդ հայտարարությամբ դա միայն գործող իշխանություններն են, մյուսները դա պետք է համարեին բնականոն։ Մինչդեռ, ըստ նրա, հակառակն է տեղի ունեցել՝ բոլորն անհանգիստ են, հանգիստ են իշխանությունները: Մինսկի խմբի համանախագհները նշել էին, որ չպետք է պահանջել բանակցությունների ձեւաչափի փոփոխություն՝ առանց մյուս կողմի համաձայնության ։ Հայկական կողմն այսօր խոսում է՝ բանակցություններին արցախյան կողմի մասնակցության մասին։ «Այս դրույթը ուղղված է այն բանին, որ Նիկոլ Փաշինյանը ինքնուրույն այդպիսի որոշում չպետք է ընդունեի, և պետք է համաձայնեցնի Ադրբեջանի հետ»,- ասում է Հայրիկյանը: Պարույր Հայրիկյանը անդրադարձավ նաև Ադրբեջանում տեղի ունեցող զորավարժություններին։ «Եթե քեզ թշնամի հայտարարած որևէ պետություն ռազմական լուրջ զորավարժություններ է անցկացնում, դու պետք է իրեն նույն ոճի գործողություններով հակադարձես։ Այս հարցում էլ մենք թերանում ենք, բայց չեմ կարող քննադատել»,- ասաց նա։
