Բացել լրահոսը Փակել լրահոսը
A A

ԵՐԱԿՆԵՐՆ ԵՆ ԿՏՐՈՒՄ

Մարզեր


Հանրապետական կենտրոնական զորակոչային բժշկական հանձնաժողովը շարունակում է ստուգումները` որոշելու զինակոչային տարիքի երիտասարդների պիտանելիությունը ազգային բանակում ծառայելու համար :


Գյումրիի զինկոմիսարիատում հանրապետական հանձնաժողովի անցկացրած բժշկական հետազոտությանը ներկայացել են երիտասարդներ Շիրակի եւ Լոռվա մարզերից:


Հանձնաժողովի կողմից ծառայությանը պիտանի ճանաչված երիտասարդները մոտ ապագայում կհամալրեն ազգային բանակի շարքերը, իսկ առողջական խնդիրներ ունեցողները ստացել են տարկետման իրավունք:


Կան երիտասարդներ, ովքեր առաջին անգամ են անցնում բուժզննում, կան այնպիսիք, որոնք արդեն մի քանի անգամ մասնակցոււմ են բուժստուգումներին:


Հիվանդություններն էլ բազմաթիվ են սկսած` թերքաշությունից մինչեւ հոգեկան խնդիրներ:


Սակայն հիմնավոր հիվանդություններ ունեցողների կողքին կան երիտասարդներ, ովքեր միտումնավոր կերպով առաջ քաշելով առողջական տարբեր խնդիրներ փորձում են խուսափել բանակից:Լինում են դեպքեր, երբ երիտարսարդին 4 կամ 5 անգամ բուժման հնարավորություն է տրվում, սակայն անգամ այս դեպքում մեծմասնության մոտ բուժվելու ցանկություն չկա: Նման ակնհայտ դեպքեր արձանագրելու դեպքում բժշկական հանձնաժողովը սպառնում է դատական գործ հարուցել:


Վերջին շրջանում շատերի մոտ տարածում է ստացել արատավոր մի երեւույթ բանակից փորձում են խուսափել երակները կտրելով:Եղել է դեպք, երբ նյարդային խանգարումը ապացուցելու համար երիտասարդը ներկայանալով բուժզննմանն անգամ փորձել է կտրել վիզը:


Վերջանական ասել, թե որ հիվանդություններ են գերակշռում այս տարվա զորակոչային տարիքի երիտասարդների մոտ եւ թե ինչքան զորակոչիկներ հիվանդության պատճառով կստանան տարկետման իրավունք, պարզ կլինի միայն զորակոչից հետո: Մինչեւ դեկտեմբերի վերջ հստակ կլինի նաեւ զորակոչից խուսափողների թիվը:


Գյումրիի «Ցայգ» ՀԸ