Բացել լրահոսը Փակել լրահոսը
A A

ՏՆԵՐԸ «ՍՈՂՈՒՄ» ԵՆ. ՈՒՇԱԴՐՈՒԹՅՈՒՆ ՉԿԱ

Մարզեր


Կապանի երկաթուղայինների չորրորդ նրբանցքի քառասունից ավելի բնակիչները սողանքային գոտում են ապրում:Իրենց խոսքերով` գիտակցում են , որ վտանգավոր պայմաններում են բնակվում ,բայց ուրիշ ճար չունեն:


Աշոտ Օհանջանյանի տունը ամեն վայրկյան կարող է փլվել:Տարբեր սենյակներում օրեցօր նկատելի են նոր ճաքեր: Իսկ տան ետնամասի մի զգալի հատված ամրացրել է երկաթե լարով,հակառակ դեպքում պատը հողին կհավասարվի:


Բնակիչները բողոքել են Սյունիքի մարզպետարան, քաղաքապետարան ,բայց մինչ օրս սայլը տեղից չի շարժվել:Իրենց խոսքերով` արդեն հոգնել են — անիմաստ են համարում բողոքել:


Հողը անընդհատ սողում է ,նույնիսկ մեքենաների անցուդարձից տները ցնցվում են:


Երկաթուղայինների չորրորդ նրբանցքի բնակիչները հույս չունեն,որ իշխանությունները կարձագանքեն իրենց բողոքին: Կարծում են ,որ միայն արտակարգ դեպքը նրանց կստիպի ուշադրություն դարձնել:


Իսկ հակասողանքային միջոցառումների իրականացման համար մարզին պետբյուջեից այս տարի —ս գումարներ չեն հատկացվել:


Կապանի «Սոսի» ՀԸ