Համայնքային ընտրությունները քաղաքականացնելը շատ սխալ է (տեսանյութ)
Աջակցիր «Ա1+»-ինՔաղաքագետ Էդգար Վարդանյանի կարծիքով համայնքներում տիրող խնդիրների պատճառը նախկին իշխանական քաղաքական համակարգում հակասահմանադրական գործունեություն իրականացրած պաշտոնյաններն են, որոնք իրականացնելով հակասահմանադրական գործունեություն պաշտոններ են զբաղեցրել: Նրա կարծիքով այդ մարդիկ ներգրավվելով իրենց կողմնակիցներին, ստեղծում են տպավորություն, որ համայնքների հանրության զգալի հատվածը կողմ է, իրենց ղեկավարմանը, որի պատճառով էլ առաջանում է բախումներ:
«Չպետք է մոռանալ, որ հեղափոխությունից առաջ շատ մարդիկ բազմաթիվ Ճնշումների ենթարկվելով, գայթակղիչ առաջարկներ ստանալով կամ չհակադրվելով իշխանություններին քվեարկել են այդ մարդկանց համար: Եվ շատ հաճախ, երբ ոտնահարվել են իրենց իրավունքները ձայն չեն հանել:»
Քաղաքական մեկնաբան Արմեն Բաղդասարյանի կարծիքով ճիշտ է այն որոշումը, որ համայնքներում իրականացվեն տեղական հանրաքվեներ, սակայն ավելի արդյունավետ լուծումն համայնքների ղեկավարների հրաժարական տալն և ընտրություններին մասնակցելն է: Միայն այդպես կընտրվեն նրանք, ովքեր կունենան ժողովրդի աջակցությունը:
«Համայնքային ընտրությունները քաղաքականացնելը շատ սխալ է: Կառավարությունը պետք է շահագրգռված լինի, որ գյուղում համայնքապետ ընտրվի գյուղացիների աջակցություն վայելող անձը, որովհետև, երբ որևէ համայնքի բնակիչ իր համայնքի ղեկավարից դժգոհ է, այդ դժգոհությունը վերածվում է իշխանությունների նկատմամբ»:
