Կրճատումներ կարող են լինել ինչպես նախկինում՝ քմահաճույքով. Անահիտ Ասատրյան (տեսանյութ)
Աջակցիր «Ա1+»-ին«Կառավարության կառուցվածքի և գործունեության մասին» ՀՀ օրենքում փոփոխություններ և լրացումներ կատարելու մասին օրենքի նախագծով առաջարկվում է պետական կառավարման համակարգի արդյունավետության բարձրացման նպատակով կրճատել պետական կառավարման համակարգի մարմինների թիվը:
Հայաստանի պետհիմնարկների, տեղական ինքնակառավարման մարմինների և հանրային ծառայությունների աշխատողների արհմիության նախագահ Անահիտ Ասատրյանի կարծիքով՝ կառավարության արդյունավետության մոդելը ներկայացված չէ և այս առումով մտավախություն ունեն:
«Պետք է զգույշ մոտեցում ցուցաբերել, հաշվարկված, որովհետև աշխատողները մտավախություն ունեն, որ կրճատումները կարող են լինեն ինչպես նախկինում՝ քմահաճույքով»,- նկատեց Անահիտ Ասատրյանը :
Թեև կրճատումների արդյունքում, հնարավոր է աշխատավարձերի բարձրացում լինի, բայց այս պարագայում էլ աշխատողի համար մեծ բեռ կդրվի:
«Մենք առաջարկել ենք, որ կոնկրետ հաշվարկ լինի, որ աշխատողները չափից շատ չծանրաբեռնվեն: Նրանք հանգստի իրավունք ունեն և արդյունավետ չէ այն աշխատողը, որը առավոտից գիշեր աշխատում է»:
Անահիտ Ասատրյանը տվյալներ չունի, թե քանի մարդ կկրճատվի:
Մանրամասն՝ տեսանյութում:
