Բացել լրահոսը Փակել լրահոսը
A A

Հայտնի գործարարը հարկային մեծ արտոնություն է ստացել Կառավարությունից

Քաղաքականություն

Կառավարությանը նիստում գործադիրն այսօր հավանության արժանացրեց որոշման նախագծերից մեկը, որով առաջարկվում է արտոնություն տալ  «Մանուկյան կոնյակի գործարան»  ՍՊԸ  կողմից իրականացվող ներդրումային ծրագրին՝ 2019 թվականի մայիսի 15-ից մինչև 2020 թվականի դեկտեմբերի 31-ը ներառյալ ներմուծվող ապրանքների` մաքսային և հարկային մարմինների կողմից հաշվարկվող ավելացված արժեքի հարկի վճարման ժամկետը հետաձգելով ներմուծման հայտարարագրման օրվանից հաշված 3 տարի ժամկետով:

Կառավարության որոշմամբ ընկերությունը  ստացավ 54,6 մլն դրամի հարկային արտոնություն։

Ներդրումային ծրագրի շրջանակներում ընկերությունը նախատեսում է  Կոտայքի մարզի գյուղ Բալահովտում հիմնել և գործարկել ամբողջությամբ ավտոմատացված, միջազգային չափանիշներին համապատասխանող կոնյակի, գինու և մրգային օղիների գործարան։

Ընկերությունն իր արտադրությունը կսկսի  2020 թվականից։ Ներկայացված ներդրումային ծրագրի շրջանակներում ընկերությունը մտադիր է կատարել ընդհանուր շուրջ 2,8 մլրդ դրամի չափով ներդրում: Ներդրումային ծրագրի իրագործման արդյունքում ընկերությունում երեք տարվա ընթացքում կստեղծվի 37 նոր աշխատատեղ` 260 հազ․ դրամ միջին աշխատավարձով:

Նշենք, որ «Մանուկյան կոնյակի գործարանը» պատկանում է ՀՀ ԱԺ ԲՀԿ խմբակցության նախկին պատգամավոր, «Շշի Մելո»  մականվամբ հայտնի  Մելիք Մանուկյանին։