Գո՞ղ են, ավազա՞կ են. Նիկոլ Փաշինյանը կառավարության կադրերի մասին (տեսանյութ)
Աջակցիր «Ա1+»-ինԻնչո՞ւ վճռական պաշտոններում չեն նշանակվում այլ կուսակցություններից կամ անկուսակցական ներկայացուցիչներ. գործադիրի ղեկավարից հետաքրքրվում է լրագրողը, ում ի պատասխան Նիկոլ Փաշինյանը հարց է ուղղում.
«Պաշտպանության, Ֆինանսների, Էկոնոմիկայի, արդեն լուծարված Գյուղատնտեսության, Էներգետիկայի, Արտաքին գործերի նախարարների պաշտոնները վճռակա՞ն է, թե՞ ոչ: Օրինակ՝ Սյունիքի մարզպետի պաշտոնը վճռակա՞ն է, թե՞ ոչ, Տուրիզմի կոմիտեի և Ջրային կոմիտեի ղեկավարների պաշտոնը վճռակա՞ն է, թե՞ ոչ»:
Փաշինյանի հարցին, լրագրողը դրական պատասխան է տալիս։ Նիկոլ Փաշինյանի համար անհասկանալի է, թե ինչո՞ւ են իր կադրային քաղաքականությունից դժգոհ:
«Էդ որ ասում են՝ վատ կադրային քաղաքականություն: Այդ կադրերը ի՞նչ են արել, ի՞նչ չեն արել, ի՞նչ վնաս են հասցրել՝ ում: Այո, վատ կադրային քաղաքականություն՝ Առողջապահության նախարարի տեղակալն է, որը կաշառքի վրա բռնվել է, վատ կադրային քաղաքականություն, այո, ընդունում եմ»,- նկատեց Նիկոլ Փաշինյանը:
«Գո՞ղ են, ավազա՞կ են, այո, բոլորը չեն, որ արդյունավետ են իրենց աշխատանքում»,- հավելեց վարչապետը:
