Սպասենք Մարտի 1-ի գործի դատավարությանը. Ստեփան Դեմիրճյան (տեսանյութ)
Աջակցիր «Ա1+»-ինԵռատոնի առիթով Հաղթանակի զբոսայգի էին եկել նաև «Հայ ազգային կոնգրես» կուսակցության փոխնախագահներ՝ Լևոն Զուրաբյանը, Արամ Մանուկյանը, կուսակցության այլ անդամներ, ինչպես նաև Հայաստանի ժողովրդական կուսակցության նախագահ Ստեփան Դեմիրճյանը:
Ստեփան Դեմիրճյանի խոսքով՝ Շուշիի ազատագրումը բեկում մտցրեց Արցախյան պատերազմում:
«Հարգելով հայրենիքի համար կյանքը տված մեր հայրենակիցներին, պետք է ամեն ինչ անենք մեր երկիրը ժամանակակից և ժողովրդավարական դարձնելու համար»,- նշեց նա:
Ի՞նչ է փոխվել հեղափոխությունից մեկ տարի անց, հետաքրքրվեցինք Ստեփան Դեմիրճյանից: Դրական տեղաշարժեր տեսնում է, բայց սպասելիքներ դեռ ունի կառավարությունից:
«Անկասկած որոշակի դրական տեղաշարժեր կան: Մասնավորապես՝ երեկ նշվեց, որ բյուջեի մուտքերը կավելանան: Ակնհայտ է, որ իրական պայքար է տարվում կոռուպցիայի դեմ»,- նկատեց Դեմիրճյանը:
Անդրադառնալով Մարտի 1-ի գործը ամբողջությամբ բացահայտելուն, Ստեփան Դեմիրճյանը ընդգծեց, որ նոր իշխանությունը այդ կամքը ունի:
«Սպասենք դատավարությանը»,- ասաց նա և հավելեց, որ Մարտի 1-ը իշխանությունը ամեն գնով պահելու հետևանք էր:
Մանրամասն՝ տեսանյութում.
