Ադրբեջանը հնարավոր է սրի իրավիճակը հաջորդ շաբաթ. Թեւան Պողոսյան (տեսանյութ)
Մայիսի 20-24 –ը Ադրբեջանում տեղի է ունենում տեղի են ունենում այս տարվա մեջ արդեն երրորդ զորավարժությունները։ Մարդկային զարգացման միջազգային կենտրոնի նախագահ Թևան Պողոսյանն ասում է. « Պետք է միշտ հիշել, որ ունենք թշնամի, որը փորձում է իր որդեգրած քաղաքականությունը կյանքի կոչել»
Նրա կարծիքով պետք է միշտ զգոն լինել և հիշել մայիսի 27-28-ին նրանք ավելի ագրեսիվանում են փորձում վիճակը ավելի սրել՝ կապված Մուսավաթական Ադրբեջանի հիմնադրման օրվա հետ։
Լրագրողների հետ հանդիպմանը Թեւան Պողոսյանը անդրադարձավ նաեւ վերջին զարգացումներին, մասնավորապես դատարանների շրջափակման ակցիային։
«Ուրախեցնող է նաև, որ հասարակությունը սկսեց լսել ոչ թե մեկ ձայն, այլ հաշվի առավ նաև այլ կարծիքներ»,-ասաց նա։
Վեթինգի գործընթաց սկսելը քաղաքագետը դրական է համարում,սակայն կարևոր է հասկանալ՝ ինչպես պետք է այն իրականացնել և արդյո՞ք աշխարհի փորձը կարող ենք կիրառել, թե ոչ։ Նրա կարծիքով հաջողության հասած ինստիտուտները իրականացվում են տրասֆորմացիայով և ոչ թե քանդելով և նորը կառուցելով.
«Ցանկացած գործողություն իրականացնելու առաջ պետք է հասկանալ այն ինչ կարող է տալ երկրին 20 կամ 100 տարի հետո»։
Ապրիլյան պատերազմի բացահայտումների համար հանձնախումբ ստեղծելու վարչապետի առաջարկը, քաղաքագետի կարծիքով, պետք է իրականացնել քննարկումների միջոցով։ Իսկ դրական արդյունք պետք է համարել ոչ թե որևէ մեկին պատժելը, այլ համակարգի բարեփոխումները և քննությունից դասեր քաղելը։
