Փող եք ուզո՞ւմ, դրա դիմաց իրավունք տվեք. Էդմոն Մարուքյանը՝ փաստաբանների պալատին
Աջակցիր «Ա1+»-ինԱզգային ժողովը շարունակում է աշխատանքները: Քննարկվում է Փաստաբանության մասին ՀՀ օրենքում փոփոխություններ և լրացումներ կատարելու մասին օրենքի նախագիծը առաջին ընթերցմամբ ընդունելու մասին հարցը: Արդարադատության նախարարի առաջին տեղակալ Արտակ Ասատրյանը ներկայացրեց, թե ինչ փոփոխություններ են նախատեսվում օրենքում:
Օրենքի նախագծով նախատեսվում է փաստաբանների կասեցված արտոնագրությունները կասեցված ժամանակ նրանցից գանձել անդամավճարի 50%-ը: Օրենքի այս փոփոխութունը դուր չի գալիս «Լուսավոր Հայաստան» խմբակցության ղեկավար Էդմոն Մարուքյանին: Նրա խոսքով՝ իր արտոնագիրը կասեցված է, անդամավճար չի վճարում, բայց պալատի գործերին էլ չի խառնվում, եթե վճարի, սկսելու է խառնվել: Նրան հետաքրքրում է, եթե գումար է վճարելու, փաստաբանների պալատը ինչ իրավունք է իրեն տալու:
«Փող եք ուզո՞ւմ, դրա դիմաց իրավունք տվեք»,- շեշտեց նա:
Արտակ Ասատրյանը նախ բացատրեց, որ առաջին 5 տարում վճար չի գանձվում, հետո հավելեց.
«Բազմաթիվ կասեցված արտոնագիր ունեցող փաստաբանների հետ այս հարցը քննարկվել է, որևէ խնդիր այս հարցով չի եղել, նույնիսկ ուրախ են, որ նման հնարավորություն է տրվում և իրենք հետագայում վերականգնվելու համար ստիպված չեն լինելու դիմել փաստաբանների պալատ՝ այդ դպրոցը սովորելու, հսկայական մեծ գումար վճարել: Սա հնարավորութույուն է տալու վերականգնվել և շարունակել իրենց փաստաբանական գործունեությունը»:
