«Մարտի 1-ի սպանությունների մասին բոլորի մոտ շոկային ֆոն է եղել, հիմա նոր, ընդգրկուն փուլ է տեղափոխվել». ԲՀԿ-ական
Աջակցիր «Ա1+»-ինԲՀԿ խմբակցության պատգամավոր Իվետա Տոնոյանն այսօր լրագրողների հետ ճեպազրույցի ժամանակ անդրադառնալով ՀՅԴ անդամ Գեղամ Մանուկյանի հայտարարությանը, թե ինքն է ծեծել ՀԱԿ ակտիվիստին, նշեց, որ ցանկացած տեսակի բռնություն չի կարող արդարացնել երեւույթը։
ԱԺ փոխնախագահ Վահե Էնֆիաջյանն էլ շեշտեց, որ օրենքի առջեւ բոլորն են հավասար եւ տեղի ունեցածը պետք է այդ տիրույթում դիտարկել։
Իվետա Տոնոյանը կարծում է , որ Մարտի մեկի հետ կապված կամ հասարակության մեջ մեծ հնչեղություն ստացած գործերը պետք է հրապարակային լինեն։
Այո, մարտի մեկի դեպքերի հետ կապված գտնում ենք, որ ամբողջ գործընթացը պետք է բացահայտվի։ Այդ օրերի սպանությունների մասին բոլորի մոտ շոկային ֆոն է եղել, հիմա նոր, ընդգրկուն փուլ է տեղափոխվել եւ մենք հույս ունենք, որ ամբողջ ծավալով կբացահայտվի գործը»,- ասաց տիկին Տոնոյանը։
