Աբովյանի քաղաքապետի անկուսակցական թեկնածու Սասուն Գրիգորյանն ասաց, որ ընտրություններն ընթանում են խախտումներով: Մասնավորապես Կոտայքի մարզպետ Ռոմանոս Պետրոսյանն է խախտում իրականացնում՝ շրջելով ընտրատեղամասերում: Գործող քաղաքապետ Վահագն Գևորգյանն էլ քարոզչություն է իրակացնում, որն այսօր արգելված է։

 

Գրիգորյանն ընդգծեց, որ բացի այդ, ոստիկանական մեծ խմբերի առկայությունը փողոցներում, «Բարգավաճ Հայաստան» և «Իմ քայլը» խմբակցության պատգամավորների Աբովյանում լինելն արդեն իսկ որոշակի ազդում է ընտրությունների վրա և ճնշում ընտրողներին։