Սթափվել և կանխել հնարավոր վտանգավոր զարգացումները. ԺՀԿ-ի կոչը
Աջակցիր «Ա1+»-ինՎերլուծելով հունիսի 9-ին 23 համայնքներում անցկացված տեղական ինքնակառավարման ընտրությունները՝ արձանագրվեց ընտրական գործընթացում հետընթաց դեկտեմբերի 9-ի ԱԺ արտահերթ ընտրությունների համեմատ, մասնավորապես՝ հին «ընտրական» մշակույթի տարրերի վերստին կիրառումը, որին չարձագանքեցին պատկան մարմինները, իսկ դրա հետևանքն է նաև համայնքներում հիմնականում գործող ղեկավարների վերընտրվելը, որոնք տարիներ շարունակ ծառայել ու սպասարկել են նախկին հանցավոր քրեաօլիգարխիկ ռեժիմին։
Հաշվի առնելով վերոշարադրյալը, ինչպես նաև 5-րդ շարասյան անթաքույց ագրեսիվ, սադրիչ գործողությունները և ոստիկանության վերջին օրերին հին գործելաոճի մեջ մտնելը, «Ժողովրդավարական Հայրենիք» կուսակցությունը մտահոգություն է արտահայտում ժողովրդավարության նահանջի համար և դիմում վարչապետ Նիկոլ Փաշինյանին, հեղափոխության աջակից ուժերին՝ սթափվել և կանխել հնարավոր վտանգավոր զարգացումները։
<<Ժողովրդավարական Հայրենիք>> կուսակցություն
