«Ծիրանի փայտն էնքան չար է, չար կնոջից չար է» (տեսանյութ)
Աջակցիր «Ա1+»-ինԵրաժշտական գործիքների պահոցի դուռը բյուրականցի 91-ամյա Կոլյա պապը ամեն օր չի բացում, միայն հյուրերի համար։ Դուդուկ, թառ, քամանչա, զուռնա, սրինգ․ Կոլյա Թորոսյանի երաժշտական գործիքները բազմազան են։ 35 տարի է երաժշտական գործիքներ է պատրաստում և հիշում է իր առաջին վարպետին, համագյուղացի Ցոլակ պապին։
Մեկ օրից ավել էր Կոլյա պապից պահանջվում, որպեսզի դուդուկ սարքի։ Դուդուկի իր պատրաստման եղանակն է բացատրում, ու հավելում՝ ամեն վարպետ չի բացահայտի իր գաղտնիքը, բայց ինքը ցանկանում է, որ բոլորն իմանան։
«Ծիրանի փայտը էնքան չար է, չար կնոջից չար է»,- աում է Կոլյա Թորոսյանը։
Գործիքների միջև տարբերություն չի դնում, բոլորն էլ սիրում է, բայց կան գործիքներ, որոնց պատրաստման համար իրենից շատ է ջանք պահանջվել։ Օրինակ՝ թառը։
«Թառը ստանոկի վրա չի լինում, ամբողջը ձեռքով ենք քանդակում»,- նշում է նա։
Կոլյա պապիկին տարիքն արդեն թույլ չի ատալիս՝ երաժշտական գործիք պատրաստելու, բայց երբեմն տղային օգնում է այդ հարցում։ Նվագում էլ է հազվադեպ, բայց մեր խնդրանքը չի մերժում, նվագում է, բայց ոչ զուռնա ու սրինգ, որովհետև ինչպես ինքն է ասում՝ համարձակությունը չի հերիքում։
«Ոնց որ ուժեղ բեզարած լինեմ, ուզում եմ անեմ, մի քիչ աչքերս չի լավ տեսնում, մի քիչ ձեռքերս, մի քիչ էլ խելքս»,- կես կատակ, կես լուրջ ասում է Կոլյա պապը։
Մանրամասները՝ տեսանյութում։
