Բացել լրահոսը Փակել լրահոսը
A A
Քաղաքականություն Պաշտոնական

Արցախում Սամվել Բաբայանը միաձայն ընտրվել է կուսակցության նախագահ

Սամվել Բաբայանի գրասենյակը հաղորդագրություն է տարածել, որը ներկայացնում ենք ստորեւ.

Սիրելի Հայրենակիցներ, սեպտեմբերի 22-ին ԱՀ Ստեփանակերտ քաղաքում տեղի ունեցավ «Միասնական Հայրենիք» կուսակցության հիմնադիր համագումարը։

Կուսակցությունը որդեգրեց «Ուժ  և միասնություն» կարգախոսը։

Հիմնադիր համագումարի  օրակարգի շրջանակներում միաձայն հաստատվեց կուսակցության ծրագիրը և կանոնադրությունը։ Կուսակցության քաղխորհրդի անդամներ ընտրվեցին Սամվել Բաբայանը, Գագիկ Նազլուխանյանը, Սերգեյ Զաքարյանը, Անուշ Դոլուխանյանը, Վլադիմիր Դավթյանը, Թագուհի Ալավերդյանը և Դիմա Առստամյանը։

Կուսակցության նախագահ միաձայն ընտրվեց Արցախի հերոս, գեներալ-լեյտենանտ Սամվել Բաբայանը։

Կուսակցության վերստուգիչ-վերահսկիչ անդամներ ընտրվեցին Միքայել Հարությունյանը, Աննա Աղասյանը և Մարատ Ստեփանյանը։

Կուսակցության քաղխորհրդի անդամ Սերգեյ Զաքարյանին լիազորվել է կուսակցության հիմնադրման փաստաթղթերը ներկայացնելու ԱՀ արդարադատության նախարարության աշխատակազմի պետական ռեգիստր՝ պետական գրանցման համար։

Սամվել Բաբայանի գրասենյակ