Անի Զախարյանը ստորագրահավաք է անում կառավարության դիմաց՝ վարչապետ նշանակվելու համար (տեսանյութ)
Աջակցիր «Ա1+»-ին«Հայաստանի նոր քաղաքական մշակույթ» կուսակցության նախագահ Անի Զախարյանը փոքր սեղան է դրել կառավարության շենքի առջև և ստորագրահավաք է իրականացնում։
Սեղանիկի վրա Հայաստանի դրոշն է, դիմացը փակցված է «ՀՀ վարչապետի այլընտրանքային թեկնածու Անի Զախարյան» գրությամբ պաստառ, դրված են ստորգրահավաքի համար նախատեսված թուղթ, «Ժողովրդական արդարության ազգային շարժման հեղափոխության հռչակագիրը»։
Անի Զախարյանը պատրաստվում է ստորգրահավաքի միջոցով քաղաքական մշակույթ փոխել և հայտ ներկայացնել՝ վարչապետ նշանակվելու համար։
«Ա1+»-ի հետ զրույցում նա ասաց, որ պատրաստվում է հավաքել 1 միլիոն ստորագրություն, որն էլ ըստ նրա՝ պայմաններ կստեղծի Նիկոլ Փաշինյանի հրաժարականի համար։
«Այս կառավարության աշխատանքում թափանցիկություն չկա, այս կառավարությունը, որ նախորդների նկատմամբ քրեական գործեր է հարուցում, մենք չգիտենք այդ բռնագանձված գումարներ ինչ միջոցների են գնում, ինչպես են ծախսվում», - ընդգծեց Ա․Զախարյանը։
Նա նաև մերժում է Արցախյան հակամարտության կարգավորումը Մադրիդյան սկզբունքների վրա։
Դիտարկմանը, թե իր կազմակերպած հավաքներին գրեթե մարդ չի գալիս, կամ սակավաթիվ են հավաքները լինում, նա պատասխանեց, որ պատճառն իր դեմ իրականացվող տեղեկատվական շրջափակումն է։
