Ռազմական դրության մտավախությո՞ւն ունի Կառավարությունը. ինչո՞ւ է այս նախագիծը բերվել. Տիգրան Ուրիխանյան
Աջակցիր «Ա1+»-ինԻնչո՞ւ է Կառավարությունը «Ռազմական դրության իրավական ռեժիմի մասին» Հայաստանի Հանրապետության օրենքում լրացումներ կատարելու մասին օրենքի նախագիծը հիմա ներկայացնում Ազգային ժողովին: Ռազմական դրության մտավախություն կա՞:
Ազգային ժողովի նիստում Առողջապահության փոխնախարարից հետաքրքրվեց «Բարգավաճ Հայաստան» խմբակցության պատգամավոր Տիգրան Ուրիխանյանը: Ի պատասխան հարցադրումների՝ փոխնախարար Լևոն Հակոբյանը նշեց, որ նախագծի ընդունման հրատապությունը կայանում է նրանում, որ օրենսդրական բաց կա, և անհրաժեշտ էր այն լրացնել:
«Գործադիրում ռազմական ագրեսիայի մասին քննարկում չի եղել, բայց ինչպես բոլորիս է հայտնի այդ վտանգը ՀՀ-ի համար տևական ժամանակ է՝ կա: Նախագծի լրացումով մենք ուզում ենք կանոնակարգել առողջապահական ոլորտի ընդհանուր համակարգային կառավարումը, բացառապես սա է նպատակը»,- ասաց փոխնախարարը:
