A
A
Հայաստանի ֆուտբոլի գավաթի խաղարկության խաղը չի կայանա
Աջակցիր «Ա1+»-ինՆոյեմբերի 1-ին Դիլիջանում նախատեսված Vbet Հայաստանի Գավաթի խաղարկության 1/8 եզրափակիչ «Դիլիջան ՖԱ» - «Լոռի ՖԱ» հանդիպումը չի կայանա: Այդ մասին տեղեկացնում է Հայաստանի ֆուտբոլի ֆեդերացիայի մամուլի ծառայությունը:
ՀՖՖ Մրցումների Կազմակերպման և անցկացման բաժինը հայտնել է, որ «Դիլիջան» ֆուտբոլային ակումբը հրաժարվել է մասնակցել հանդիպմանը: Այդպիսով, «Լոռի ՖԱ»-ն երկրորդ տարին անընդմեջ առանց պայքարի մտնում է գավաթի խաղարկության հաջորդ փուլ:
Նախորդ մրցաշարի կիսաեզրափակիչում նախատեսված «Լոռի ՖԱ» - «Բանանց» խաղը չէր կայացել, քանի որ երևանյան ակումբի սեփականատեր Ջևան Չելոյանցը թիմին հանել էր խաղադաշտից, քանի որ ֆեդերացիան չէր կատարել գլխավոր մրցավարին փոխելու պահանջը: Վանաձորը ներկայացնող թիմն առանց պայքարի մտել էր եզրափակիչ:
