Սոցիալական լիարժեք աջակցություն պետք է ստանան նրանք, ովքեր աշխատունակ չեն․ Նիկոլ Փաշինյան (տեսանյութ)
Աջակցիր «Ա1+»-ինԿառավարության այսօրվա նիստում վարչապետ Նիկոլ Փաշինյանը տեղեկացրեց, որ քննարկում են ունեցել սոցիալական ապահովության նոր համակարգի ներդրման վերաբերյալ․
«Գիտեք, որ մեր կառավարությունը ձևավորման առաջին օրից այս հարցը դրել է, և մենք խնդիր ենք ունեցել, որ սոցիալական աջակցության համակարգը մարդկանց տնտեսական ակտիվության չի դրդում։ Երեկ մենք առնվազն նախնական մակարդակով կոնկրետացրինք մեր հայեցակարգը, թե ինչ պետք է անենք, և եթե շատ կարճ ձևակերպելու լինենք ՝ մենք խնդիր ենք դրել, որ սոցիալական լիարժեք աջակցություն պետք է ստանան ՀՀ-ում այն մարդիկ, ովքեր աշխատունակ չեն, իրենք իրենց կարիքները չեն կարող հոգալ»։
Վարաչապետն ասաց՝ աշխատունակ մարդկանց հանդեպ վերաբերմունքը պիտի այնպիսին լինի, որ հնարավոր լինի նրանց քաջալերել և համակարգային պայմաններ ստեղծել, որպեսզի նրանք ավելի շատ շահագրգռված լինեն աշխատել, քան չաշխատել․
«Առանձահատուկ ուշադրության պետք է արժանանան այն ընտանիքները, որտեղ երեխաներ կան, առանձնահատուկ ուշադրության պետք է արժանանան ընտանիքների կրթական կարիքները, ընտանիքի զարգացման համար պետք է հոգանք, որպեսզի երեխաները կամ հենց մեծահասակները ստանան կրթություն մասնագիտական հմտություններ»։
Վարչապետն ասաց՝ այս ուղղությամբ պետք է սկսվեն հանրային քննարկումներ , որպեսզի հանրությունը քայլի Կառավարությանը զուգընթաց։
