Անդրիաս Ղուկասյանը բաց նամակ է հղել ԱԱԾ ԺՊ տնօրենին

ԲԱՑ ՆԱՄԱԿ ՀԱՅ ԿԱՌՈՒՑՈՂԱԿԱՆ ԿՈՒՍԱԿՑՈՒԹՅԱՆ ՆԱԽԱԳԱՀ ԱՆԴՐԻԱՍ ՂՈՒԿԱՍՅԱՆԻ ԲԱՑ ՆԱՄԱԿԸ ԱԱԾ ՏՆՕՐԵՆԻ ՊԱՐՏԱԿԱՆՆՈՒԹՅՈՒՆՆԵՐԻ ԺԱՄԱՆԱԿԱՎՈՐ ԿԱՏԱՐՈՂԻՆ

Հարգելի պարոն Մարտիրոսյան,

Սույն թվականի հունվարի 29-ին ժ 21.00 ին ձեր հիմնարկի տպագիր մարմին՝ «hraparak.am» լրատվամիջոցում հրապարակվել է հայտարարություն ՀՀ ոստիկանության և Վովա Գասպարյանի անվան շոու-բալետի ներկայացման վերաբերյալ: Այդ հրապարակման մեջ օգտագործվել է Հայ Կառուցողական կուսակցության խորհրդանշանը: Պահանջում ենք իսկույն դադարեցնել մեր կուսակցության ինտելեկտուալ սեփականության ապօրինի օգտագործումը ձեր հիմնարկին կից միավորների կողմից ՀՀ քաղաքացիներին ապակողմնորոշող ծանր և ոչ պատվաբեր գործողություններում:

Հարգանքով,

Հայ Կառուցողական կուսակցության նախագահ

Անդրիաս Ղուկասյան