A
A
ՀԱՊԿ անդամ պետությունների համատեղ հայտարարությունը՝ Աֆղանստանում տիրող իրավիճակի վերաբերյալ
Աջակցիր «Ա1+»-ինՀավաքական անվտանգության պայմանագրի կազմակերպության անդամ պետությունների համատեղ հայտարարությունը Աֆղանստանում տիրող իրավիճակի վերաբերյալ
ՀԱՊԿ անդամ պետություններն անհանգստություն են հայտնում Աֆղանստանի Իսլամական Հանրապետությունում, հատկապես նրա հյուսիսային նահանգներում լարված ռազմաքաղաքական իրադրության կապակցությամբ, նշում են ռազմական գործողությունների բարձր ինտենսիվությունը եւ չդադարող ահաբեկչական հարձակումները ամբողջ երկրում: Հատուկ տագնապ է առաջացնում խաղաղ բնակչության շրջանում զոհերի աճող թիվը։
ՀԱՊԿ անդամ պետությունները խորապես մտահոգված են Աֆղանստանում «Իսլամական պետություն» խմբավորման և մի շարք այլ ահաբեկչական խմբավորումների ներկայությամբ և անհրաժեշտ են համարում ակտիվացնել դրանց չեզոքացմանն ուղղված ջանքերը:
ՀԱՊԿ անդամ պետությունները համոզված են, որ ահաբեկչական սպառնալիքի հետ անքակտելիորեն կապված է թմրանյութերի արտադրության եւ մաքսանենգության խնդիրը, եւ ուշադրություն են դարձնում անօրինական թմրարտադրության դեմ պայքարն ուժեղացնելու եւ Աֆղանստանից թմրանյութերի ապօրինի տեղափոխման ուղիները փակելու ուղղությամբ միջազգային համագործակցության ակտիվացման անհրաժեշտությանը:
ՀԱՊԿ անդամ պետությունները ողջունում են Աֆղանստանում խաղաղության հասնելու միջազգային հանրության ջանքերը, այդ թվում ՝ Աֆղանստանի վերաբերյալ խորհրդակցությունների Մոսկովյան ձեւաչափի եւ 2019 թվականի փետրվարին մեկնարկած Միջաֆղանական երկխոսության շրջանակներում, նշում են թալիբների շարժման հետ ԱՄՆ-ի նախաձեռնած բանակցային գործընթացը, ինչպես նաեւ Աֆղանստանի (ՄՈՈՆՍԻ) աջակցման ՄԱԿ-ի առաքելության գործունեությունը:
ՀԱՊԿ անդամ պետությունները կշարունակեն համատեղ գործունեությունը աֆղանական ուղղությամբ կազմակերպության ձեւաչափով, այդ թվում ՝ ՀԱՊԿ ԱԳՆԽ առընթեր Աֆղանստանի գծով աշխատանքային խմբի շրջանակներում ՝ Իռա տարածքից բխող տարածաշրջանային անվտանգության մարտահրավերներին եւ սպառնալիքներին հակազդելու նպատակով:
ՀԱՊԿ անդամ պետությունները հանդես են գալիս հասարակության համախմբման, ներքաղաքական կայունության հաստատման օգտին ՝ ի շահ բոլոր աֆղանցիների եւ Աֆղանստանում կայուն խաղաղության հասնելու օգտին, ինչը կնպաստի տարածաշրջանային եւ գլոբալ անվտանգության ամրապնդմանը:
