Առաջարկվում է ծնողական փառքի մեդալ ստացած անձանց ամենամսյա պատվովճար տալ (տեսանյութ)

ԱԺ-ն այսօր քննարկում է «Պետական պարգեւների եւ պատվավոր կոչումների մասին օրենքում» լրացումների օրինագիծն առաջին ընթերցմամբ ընդունելու հարցը:

 Աշխատանքի եւ սոցիալական հարցերի փոխնախարար Արման Ուդումյանը հայտարարեց, որ առաջարկում են «Ծնողական փառքի» մեդալով պարգեւատրված անձանց ամսական կալ պատվո վճար, որի չափը կորոշի կառավարությունը.

«Այս պահին ունենք 9 ընտանիք, որոնք ստացել են այդ մեդալը: Այն ստանալու պայմաններն են՝ ունենալ վեց և ավելի երեխա, ինչպես նաև ընտանիքի մասին դրական կարծիք համայնքում, որ նրանք հաջողել են երեխաների դաստիարկության հարցում:  Հաշվի է առնվում նաեւ այն փաստը, որ երեխաները մասնակցած են լինում ռազմական գործողությունների»:

Փոխնախարարը տեղեկացրեց, որ Կառավարությունն առաջարկում է այս 9 ընտանիքների համար ամսական 40 000 դրամ պատվո վճար տրամադրել:

Մեդալի արժանի ընտանիքները որոշվում են հանձնաժողովների քննության արդյունքում:

«Ծնողական փառքի» մեդալով պարգեւատրված ընտանքներից մեկը, ըստ փոխնախարարի, ունի 15 երեխա: