Ծաղկաձորում խուճապային տրամադրություններն անցել են․ Վաղարշակ Հակոբյան (տեսանյութ)
Աջակցիր «Ա1+»-ինԱԺ «Իմ քայլը» խմբակցության պատգամավոր Վաղարշակ Հակոբյանն այսօր լրագրողներին տեղեկացրեց, որ Ծաղկաձորում խուճապային տրամադրությունները անցել են, այժմ ոչ մի խնդիր չկա:
Ինչ վերաբերում է հյուրանոցներին, նա նշեց, որ ընդհանուր իրավիճակը նորմալ է, պետք է դիտարկել անհատական դեպքերը:
Տեղեկացրեց, որ տնտեսավրողների, հյուրանոցների սեփականատերերի և տնօրենների հետ հեռախոսազրույցներ է ունեցել և նրանց հղում տալով է ասում, որ իրավիճակը նորմալ է:
Պատգամավորի պնդմամբ՝ ՀՀ-ն մինիմալ կորուստներով է դուրս գալիա կորոնավիրուսի պատճառով ստեղծված իրավիճակից՝ արագ և օպերատիվ արձագանքման շնորհիվ:
Հարցին, թե ինչո՞ւ ընտրվեց հենց Ծաղկաձորի «Գոլդեն փելես» հյուրանոցը՝ հաշվի առնելով, որ այն զբոսաշրջիկների համար գրավիչ վայր է , Հակոբյանն ասաց.
«Սա գրեթե միակ պետական օբյետն է, որն ուներ համապատասխան հնարավորությունները և տեղակայված էր բնակչությունից հարմար հեռավորության վրա: Իհարկե, կարելի էր այլ տարբերակներ էլ քննարկել, բայց կառավարության մեր գործընկերներն են եկել այդ եզրահանգմանը»:
Ինչ վերաբերում է պարգևավճարներին, Հակոբյանն ասաց, որ ուրախ է՝ նախարարները, փոխնախարարները, կառավարության այլ անդամներ իրենց ֆինանսական կենսագործունեությունը պատկերացնում են միայն աշխատավարձի և պարգևավճարների արդյունքում, ըստ նրա՝ սա անհերքելի իրողություն է:
