«Կապանում պլաստիկի վերամշակման արտադրամաս է գործում» (տեսանյութ)
Աջակցիր «Ա1+»-ինԿապանի համայնքապետարանի և Եվրամիության պատվիրակության միջև պլաստիկ թափոններից շինարարական նյութերի ստացման ծրագիր է ստորագրվել 2016 թվականին, եւ հաջորդ տարվա հունվարից այն իրագործվել է․ այս մասին նշում է Կապանի համայնքապետարանի Տնտեսական զարգացման ծրագրի ղեկավար Դավիթ Ղազարյանը։
«Ծրագրով նախատեսված է եղել պլաստիկ թափոնների տարանջատումը ընդհանուր աղբից, որի համար ձեռք են բերվել աղբամաններ, սրանով փորձ էր արվում բնակչությանը իրազեկել, որ կա երկու տեսակի աղբաման աղբի և պլաստիկի, հասարակությանը բերել բնապահպանական գիտակցմանը։ ԵՄ ծրագիրը սոցիալ-տնտեսական հարց է լուծել, քանի որ Կապանում հավաքած պլաստիկից և ավազից ստանում ենք շինարարական նյութեր՝ կղմինդր, սալաքարեր և երկու մարզերում ՝ Վայոց Ձորում և Սյունիքում ներգրավվածություն էր ապահովվում։ Պլաստիկը աշխատակիցները տեղափոխում են Կապանի արտադրամաս։
Դավիթ Ղազարյանը նշում է, որ 2019 թվականի միջազգային էքսպերտները Կապանում արտադրական հոսքագծերի տեղադրում և մոնտաժում իրականացրել, ինչպես նաև աշխատողների իրազեկման գործընթաց է իրականացվել։
«Երբ սկսում էինք ծրագիրը, տարակուսում էինք, որ հնարավոր է ժողովուրդը չհարմարվի, քանի որ մշակույթ ձևավորելու խնդիր կար։ Սակայն այս տարիների ընթացքում մեծ հաջողություններ ենք արձանագրել, բնակիչներին ենք ներգրավել, և ծրագիրը իր դրական ազդեցությունն է թողել»։
