Ադրբեջանական կողմը գնդակոծել է Տավուշի Ոսկեպար գյուղը

Ադրբեջանական զինուժը այսօր՝ մարտի 8-ին, ժամը 15։00-ի սահմաններում գնդակոծել է Տավուշի մարզի Ոսկեպար գյուղը։  

Այս մասին տեղեկանում ենք  Ոսկեպարի գյուղապետարանի ֆբ-յան էջից։

«Մարտի 8-ին, ժամը 14․30-ից 15․00-ի սահմաններում ադրբեջանական զինուժը հրաձգային զենքերից  2 կրակահերթ է արձակել Տավուշի մարզի Ոսկեպար գյուղի վրա: Գնդակոծության հետեւանքով գնդակներից  մեկը  խոցել է  Ոսկեպարի բնակիչ Սերյոժա Աղամյանի առանձնատան բաղնիքի պատը, մյուսը՝ դիպել բաղնիքում տեղադրված  ջրի տարողությանը»,- գրված է էջում։ 

Ոսկեպար համայնքի վարչական ղեկավար Սերոբ Մախսուդյանն ասել է, որ  գնդակոծությունը տևել է մոտ կես ժամ և որ գյուղում խուճապ չկա։