Երեւանի «Հալեպի շուկա»-ում (տեսանյութ)
Աջակցիր «Ա1+»-ինՀալեպցի Գեւորգը կոշիկի սրահը երեք տարի առաջ է բացել։ Պատահաբար չի ընտրել այս վայրը։ Մետրոյի «Հանրապետության հրապարակ» կայարանի հարեւանությամբ գործող Հալեպի շուկայի աշխատակիցները սիրիահայեր են։
Նրա ընտանիքը 4 տարի է՝ ինչ Սիրիայից տեղափոխվել է Հայաստան։ Ասում է՝ խանութը բացելուց առաջ շուկան մանրակրկիտ ուսումնասիրել է , ծանրութեթեւ է արել նախկին սխալները, իսկ այսօր արդեն հաճախորդների պակաս չունի։
Սեփական բնակարան Հայաստանում չունի։ Ամենաշատն այսօր դրա մասին է մտածում։Ասում է՝ եթե նույնիսկ բնակարանի վարձը կարող ես վճարել , բայց, եթե քոնը չէ, հանգիստ չես։
Առեւտրի ծավալներից դժգոհ չէ։ Վաճառում է տարբեր երկրների արտադրության սպորտային կոշիկներ։
Լենա Շամլյանը Հայաստան է տեղափոխվել ութ տարի առաջ։ Սկզբում այստեղ հաստատվելու մտադրություն չեն ունեցել։ Սիրիական պատերազմը ստիպել է փոխել մտադրությունը։
Ի դեպ, Հալեպի շուկա չմտած՝ զգում ես թխվածքաբլիթների բույրը։ Դրանք պատրաստվում են այս սրահում՝ տիկին Դալիթայի բաղադրատոմսերով։
Մանրամասները՝ տեսանյութում
