Երեք ախտորոշված դեպքերն էլ Երևանի Շենգավիթ վարչական շրջանի բնակիչներ են. Նիկոլ Փաշինյան (տեսանյութ)
Աջակցիր «Ա1+»-ինԱզգային ժողովի արտահերթ նիստի ընթացքում ԱԺ ԼՀԿ պատգամավոր Գուրգեն Բաղդասարյանը վարչապետին հարց ուղղեց կապված արտադրամասերից մեկում արձանագրված կորոնավիրուսի դեպքի հետ, նշեց, որ քաղաքացիները հետաքրքրվում են՝ որտե՞ղ է դեպքը, վարչապետն ասաց, որ զուտ էթիկապես ճիշտ չէ այդ ընկերության անունը տալը.
«Կարող եմ ասել, որ Երևանի Շենգավիթ վարչական շրջանում է և երեք ախտորոշված դեպքերն էլ Երևանի շենգավիթ վարչական շրջանի բնակիչներ են»:
Պտգամավորը նաև հարց բարձրացրեց, որ Վայքից են ստանում ահազանգեր, թե մարդկանց մեկուսացնում են, ի պատասխան Նիկոլ Փաշինյանն ասաց, որ մեղրեցի տղան եղել է Վայքում և այն բիստրոյում, որտեղ եղել է նաև ինքն անձամբ.
«Երբ ախտորոշվում է որևէ դեպք, առաջին գործը, որ անում է Առողջապահության նախարարությունը, պարզում է նրա այն հնարավոր կոնտակները, որոնց նա կարող էր վարակ փոխանցել: Ես չեմ բացառում, որ այդ սուպերմարկետի աշխատակիցներին հրավիրած և ինքնամեկուսացրած լինեն, որովհետև հնարավոր է, որ նրանց մոտ մոտիկ կոնտակտ է եղել»:
Նրա խոսքով՝ սա արվում է հենց հանրության առողջությունը և անվտանգությունն ապահովվելու համար:
Պատգամավորն արձագանքեց, որ կեղծ լուրերը կարող են վնասել իրավիճակն, ի պատասխան Փաշինյանն ասաց.
«Ովքեր կորոնավիրուսի հետ կապված կտարածեն կեղծ տեղեկատվություն, կենթարկվեն պատասխանատվության»:
