ԱԺ-ն ընդունեց պարետի գործառույթների հստակեցման և աշխատանքային իրավունքների հստակեցման նախագծերը (տեսանյութ)

Ազգային ժողովը բուռն քննարկումներից հետո քվեարկեց և ընդունեց «Արտակարգ դրության իրավական ռեժիմի մասին» Հայաստանի Հանրապետության օրենքում փոփոխություններ և լրացումներ կատարելու մասին» և «Նորմատիվ իրավական ակտերի մասին» Հայաստանի Հանրապետության օրենքում լրացում կատարելու մասին» Հայաստանի Հանրապետության օրենքների նախագծերի փաթեթը:

Այն նախատեսում է հստակեցնել պարետի և պարետատան գործառույթները և լիազորությունները: Նախագիծն ընդունվեց առաջին ընթերցմամբ 82 կողմ, 12 դեմ և 14 ձեռնպահ ձայների հարաբերակցությամբ:

 Ընդունվեց նաև «Հայաստանի Հանրապետության աշխատանքային օրենսգրքում լրացումներ և փոփոխություններ կատարելու մասին», «Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին» Հայաստանի Հանրապետության օրենքների նախագծերի փաթեթը կրկին առաջին ընթեցմամբ:  Նախագծն ընդունվեց 92 կողմ, 0 դեմ և 18 ձեռնպահ ձայներով:

Այն հստակեցնում է գործատու-աշխատող հարաբերությունները արտակարգ դրության պայմաններում:

Նախագծերի փաթեթների երկրոդ ընթերցման, ինչպես նաև բյուջեի նախագծում փոփոխություններ կատարելու նախագծի քննարկումները ԱԺ-ն կշարունակի վաղը՝ ապրիլի 29-ին: