287 վետերանի 300 000-ական դրամ պարգևատրում կտրվի (տեսանյութ)
Աջակցիր «Ա1+»-ինԿառավարության այսօրվա նիստում որոշում կայացվեց Հայրենական մեծ պատերազմի վետերաններից յուրաքանչյուրին հատկացնել պարգևատրում:
Հարցը զեկուցեց Աշխատանքի և սոցիալական հարցերի նախարար Զարուհի Բաթոյանը: Վերջինս նշեց, որ յուրաքանչյուրին կտրամադրվի 300 հազար դրամ՝ որպես գնահատանք նրանց վաստակի, ինչպես նաև որպես սոցիալական պաշտպանության միջոցառում:
Ընդհանուր առմամբ ծրագրին հատկացվելու է 86 մլն դրամ, տեղեկացրեց նա:
«Այս համեստ պարգևատրումը ևս մեկ անգամ կհիշեցնի մեր վետերաններին, որ կառավարությունը ուշադրության կենտրոնում է պահում իրենց, և սա միանվագ պարգևատում է, բայց 2019 թվականից մենք կրկնապատկել էինք նրանց ամենամսյա պարգևավճարը՝ 50 հազարից դարձնելով 100 հազար»:
Նիկոլ Փաշինյանն էլ հավելեց, որ այսօր Հայաստանում կա 287 վետերան, և նրանցից յուրաքանչյուրը կստանա պարգևավճար:
